Kokborok News | Home | Submit Poem | Top Poem | Top Poets | Register | Contact Us | LogIn
Category: Love | Spirituals | Patriotic | Nature | Friendship | Inspirational | Song Lyrics | Children | Family |



DONGOR TWIKHERENG
By: Jae Heanc Debbarma, Category: Nature, Posted on:30/08/2014
Twima ni twisa kwchwng kochokgo
Dongor ni twima hapung bakhwlaio !

Twikhereng khereng naithokgui .
Chompreng khorang khwnathokgui !

Hachwk haa panthor bisingo
Toksa tokmili chi chi pungbaio !

Rwchapkhe jadu kolija tansa .
Twimuk ni twi nwngui ransa !

Kolija khani borokno muitu .
Lengprao khatangui jadu no ,

Hathai soksauo hugo mai kainani
Khamchuru khamjak haa o murani joli .

Dongor twi goireng kwlaui ,
Twisa kochokgo hachwk tolatwi .

Bwchap wa-thwi (bamboo) swramui rung
Sarinda tamwi baksa chokgo rung !!

Twimani ahthuk holong bising .
Kirijakma borogno , siring siring !

Dongor twichwng twikhereng khereng ,
Twimani twimuk areng areng .

Wasung bersaui twimuk o
Twichang ransa nwnganw .

Kebo ba twi gola supungo
Langa horwi hathai kwsao .

Oh twima nwngle langma si ,
Oh twikhereng goireng naithokma si .

Bolong togwla pungwi tongo ,
Dongor twi teibo chwngo !

Bwlai lyh kwlaibo twisa o ,
Twichwng le kwchwng no .

Watwi mol ni nobar sibsakhe ,
Pherang zilik-zalak kogsakhe !

Dongor twikhereng twijwlang chao
Twimuk ni twi le phainai no .
Latest Poem
  • DONGOR TWIKHERENG
  • KHUMBAR BARSA (Part-2)
  • Thansa Khe Phaidi
  • Kwsarjak
  • khani angel
  • Emangni Khachuk
  • Angbai Hakchal Phano
  • Swrapsa sinilai mung
  • Metheb
  • Hamjakma
  • Latest Poets
  • Harish kesh Debbarma
  • jamatia Surendra
  • Janaka Tripura
  • Santa Debbarma
  • Sanjib Debbarma
  • Akash Deb Barma
  • Bipul debbarma
  • JOB DEBBARMA
  • Sukesh Debbarna
  • Ashok Debbarma
  • KokBorok.Com © 2014 All Rights Reserved | Powered by: Tiprasa.Com